NEFT VƏ QAZ QURĞULARININ SƏNAYE TƏHLÜKƏSİZLİYİNİ TƏMİN ETMƏK ÜÇÜN RİSKLƏRİN QİYMƏTLƏNDİRİLMƏSİ

Abstract

Məqalədə riskin gerçəkləşməsi zamanı, bütün hallar ətraflı təsvir edilmiş, onların aradan qaldırılması üçün tədbirlər, həmçinin, təklif olunan fikirlər müəssisə üzərində yoxlanılmışdır. Məqalədə obyektlərin istehsal gücünün hesablanması üçün üsul təklif olunmuşdur. Risklərin idarə edilməsi hər bir müəssisə, şirkətin fəaliyyətində, maliyyə komponentinin qiymətləndirilməsində çox böyük əhəmiyyətə malikdir. Məsələnin vacibliyi, aktuallığı ondan ibarətdir ki, müasir şəraitdə təhlükə potensiallı obyektlərdə baş verə biləcək qəzalarla bağlı fövqəladə halları əvvəlcədən müəyyənləşdirmək, onları aradan qaldırmaq üçün tədbirlər sistemi həyata keçirmək lazımdır. Riskin qiymətləndirilməsinin əsas vəzifəsi təhlükəli istehsal müəssisələrinin sistemində təhlükəli yerləri müəyyən etmək və sənaye təhlükəsizliyinin təmini üçün əsaslandırılmış tövsiyələr hazırlamaqdır.