KARBOHİDROGENLƏRİN DAŞINMASI VƏ ÇIXARILMASI ZAMANI YARANAN EKOLOJİ PROBLEMLƏR

Abstract

Dünya enerji sektorunun hazırkı vəziyyəti karbohidrogen xammalının əsas təchizatçıları və istehlakçıları arasında yeni ziddiyyətlərin yaranması ilə xarakterizə olunur. İnkişaf etməkdə olan ölkələrdə enerji istehlakının artması Azərbaycan kimi neftqaz resurslarına malik ölkələr üçün yeni bazarlar açır. Ona görə də Azərbaycan Respublikası, yeni bazarların inkişaf etdirilməsinə, habelə köhnə tərəfdaşlarla əməkdaşlığın uğurla davam etdirmək məqsədilə karbohidrogenlərin daşınması üçün infrastrukturun inkişafı istiqamətində işlər görməkdədir. Əlavə olaraq neft və neft məhsullarının boru kəmərləri ilə daşınması zamanı bir çox mühüm problemlərlə qarşılaşırıq. Bunlardan başlıcası ətraf mühitə dəymiş zərərdir. Bu zərərin nələr olduğunu və minimuma endirməyin yolları bu məqalədə araşdırılıb və verilib.