CO2 ILƏ NEFTVERIMIN ARTIRILMASI ÜSULU

Abstract

Neftverimin artırılması üsullarından biri olan karbon dioksid (CO2) tükənmiş neft ehtiyatlarında çıxarılabilən hasilatı artırmaq potensialına görə əhəmiyyətli diqqət çəkmişdir. CO2 ilə neftverimin artırılması üsulunda karbon dioksidin yeraltı geoloji laylara vurulması qlobal istixana effektini azaltmağa kömək edir . Son onillikdə CO2-dən əsasən işlənmənin müxtəlif mərhələlərində yüngül və orta çəkili neftli layların hasilatını yaxşılaşdırmaq üçün istifadə edilmişdir. CO2 laya fasiləsiz olaraq həm ayrı həmdə su ilə bir-birini əvəz edən konsepsiya şəkilində vurula bilər. CO2 vurulmuş qeyribircins kollektorlarda fluid fazalarının diferensial hərəkətliliyi hesabına CO2-nin erkən nüfuzuna əsasən müxtəlif özlülüklü dillərin yaranmasına və nəticədə CO2-nin sərbəst faza şəkilində quyuya daxil olmasına səbəb ola bilər. Bu tədqiqat işi CO2-nin yeraltı anbarlarda saxlanması üçün istifadə olunan üsulların üstünlükləri və çatışmazlıqlarını və həmçinin CO2 -nin hərəkətliliyinə nəzarət etmək üçün qəbul edilmiş metodları nəzərdən keçirir.Son dövrlərdə aparılmış tədqiqatlar neftverimin artırılmasında aparıcı rol oynayan CO2 -nin təkmilləşdirilməsinə əsaslanır. Xüsusilə, nanohissəciklərin səthi aktiv maddələrlə birgə istifadəsi CO2-nin hərəkətini lay boyunca eyni səviyyədə təmin edir və bu, layda neftveriminin artırılmasını daha effektiv edir. Məqalədə həmçinin CO2-nin vurulma texnologiyasının təkmilləşdirilməsi və bu məqsədə nail olmaq üçün problemlər və qeyri-müəyyənliklər həll edilir.