MAYE QAZ DOLDURMA STANSİYALARINDA VƏ TEXNOLOJİ SİSTEMLƏRDƏ BUXARLANMA İTKİLƏRİNİN AZALDILMASI

Abstract

Bu məqalədə ilk növbədə maye qazların çənlərdə saxlanması zamanı və texnoloji sistemlərdə baş verən buxarlanma itkiləri göstərilmiş və onların yaranma səbəbləri araşdırılmışdır. Baş verən buxarlanma itkilərinin azaldılması üçün məsələnin həlli yolları təklif olunmuşdur. Araşdırma zamanı çənlərdə baş verən buxarlanma itkilərinə təsir edən əsas amil ətraf mühitin temperaturudur. Ətraf mühitin maye qaz çəninə temperatur təsirini azaltmaqla buxarlanma itkilərini azaltmaq olar. Məqalədə təklif etdiyimiz yeni üsulun tətbiqi nəticəsində maye qaz çənində temperaturu 10-15°C azaltmaqla buxarlanma itkilərinin həcmini 25-30 % azaltmaq mümkündür. Təklif olunan yeni konstruktiv həllin tətbiqi maye qaz çənində, aluminum va ya paslanmayan metal vərəqlərin köməyi ilə çəndə əlavə qat yaratmaqdır. Belə olan halda günəş şualarının bir başa çən üzərinə düşməsinin qarşısı alınmış olacaq. Bundan başqa aluminum və paslanmayan vərəqləri çənə bükərək bərkitdikdən sonra, çənin alt və üst tərəfindən Ø50; Ø80; Ø100 mm-lik deşiklərin açılması (çənin həcmindən asılıdır) nəzərdə tutulur ki, bu da ətraf mühitin temperaturundan asılı olmayaraq, çəndə yaradılmış qat daxilində hava axınını təmin edir.