ASTARA RAYONUNDA EKZOGEN GEOLOJİ PROSESLƏRİN – SÜRÜŞMƏLƏRİN BAŞ VERMƏ SƏBƏBLƏRİNİN ÖYRƏNİLMƏSİ VƏ BUNA QARŞI MÜBARİZƏ ÜSULLARININ SEÇİLMƏSİ

Abstract

Astara rayonunda ekzogen geoloji proseslər, xüsusən də, denudasiya, uçqun-töküntü, sürüşmələr və s. geniş yayılmışlar. Sürüşmələr, əsasən, bir çox təbii amilin təsiriylə əlaqədar formalaşmışlar. Bu amillər ayrı-ayrılıqda hər biri həlledici rola malikdir. Bu amillərə misal olaraq, kəsilişi təşkil edən çöküntülərin litologiyasını, tədqiqat ərazisinin oroqrafiyasını, tektonikasını, həmçinin, seysmikliyini, iqlimini, hidrogeoloji şəraitini və bunlar yanaşı, insanların mühəndisi fəaliyyətini də göstərmək olar. Tədqiqat ərazisində olan fəal müasir sürüşmələr, əsasən, yamaclarda toplanmış olan gəlmə süxurlarda, həmçinin də gilli qumdaşı növbələşməsindən ibarət olmuş ana süxurlarda vaş verir. Ən səciyyəvi xüsusiyyəti də odur ki, kiçik fəal sürüşmə gövdələri, əsasən, monoklinal yamaclarda üzü aşağı istiqamətdə hərəkət edərək, birləşərək vahid sahəvi sürüşmə axımını əmələ gətirirlər.