BORU KƏMƏRLƏRİNİN TİKİNTİSİ ZAMANI QAYNAQ İŞLƏRİNDƏ YENİ TEXNOLOGİYALARIN TƏTBİQİ

Abstract

Bugünkü dövrdə qaynaq metallar, qeyri-metallar və müxtəlif kompozit struktur materialları kimi çox sayda materialın daimi birləşdirilməsi üçün istifadə olunur. Qaynaq xidmətləri bazarı təxminən 40 milyard dollar həcmində qiymətləndirilir ki, bunun da təxminən 70%-i qaynaq materiallarına, təxminən 30%-i isə qaynaq avadanlıqlarına aiddir. Bunun əsasında qaynaqlı konstruksiyaların qlobal istehsalında müsbət artım, eləcə də qaynaq avadanlığı və materialları bazarlarının dinamik inkişafı müşahidə olunur. Həmçinin, hər il qaynaq işini inkişaf etdirmək üçün tədqiqat və təkmilləşdirmələrin həcminin artımı müşahidə olunur. Əsas qaynaq üsulu qövs və kontakt qaynağıdır. Əl ilə qövs qaynağının payı istehsalın 30% -ə qədərini təşkil edir, lakin proqnozlara görə, qoruyucu qazlarda mexanikləşdirilmiş və avtomatik qaynaq üsullarının payı gələcəkdə onun ümumi həcminin 50-55% -ni təşkil edəcəkdir. Əl ilə qövs qaynağının bir çox mənfi cəhətləri olduğundan, onlardan ən əhəmiyyətlisi aşağı məhsuldarlıqdır. Buna əsaslanaraq, qaynaq istehsalında yeni texnologiyaların işlənib hazırlanması və tətbiqinin, xüsusən də yarımavtomat və avtomatik qaynaq üsullarının tətbiqinin aktuallığını qeyd etmək lazımdır.